ХИЙМОРИЙН АЛТ ГРУППИЙН ТАНИЛЦУУЛГА

   Хийморийн Алт Групп ХХК нь гадаад худалдааны чиглэлээр үйл ажиллагаа эрхлэхээр 2014 онд байгуулагдсан. Бид ашигт малтмал боловсруулах дэвшилтэт орчин үеийн техник, технологи, түүнийг дагалдах бүтээгдэхүүн, үйлчилгээ болон олон улсын стандарт, чанарын шаардлагад нийцсэн  эд материалыг олон улсын болон орон нутгийн уурхайн компаниудад ханган нийлүүлдэг, мэргэшсэн компани юм.

   Бид олон тооны ашигтай загварын болон бүтээгдэхүүний патент, шинэ технологиудыг эзэмшдэг. Тухайлбал: 5418132, 3687530 гэрчилгээний дугаартай “Ган бөмбөлгийн сертификат”, ГД: 3686370, 3687322 “Хуягийн сертификат”, ГД:1763437 “Ган бөмбөлөг, хуягийг боловсруулах техникийн сертификат”, ГД: 1717268 “SAG –г зохион бүтээх болон хэрэглэх сертификат” -ыг тус тус эзэмшдэг.

   “Хийморийн Алт Групп” ХХК нь 2015 оноос эхлэн Эрдэнэт Үйлдвэр ХХК -ний баяжуулах үйлдвэрийн хэсэгт ган бөмбөлөг болон соронзон хуягийг амжилттай туршиж, тэдгээр бүтээгдэхүүнийг тогтвортой, найдвартай ханган нийлүүлсээр байна. Бид тус үйлдвэртэй нарийн нягт, уялдаатай хамтран ажиллахын зэрэгцээ нийлүүлж буй бүтээгдэхүүний ашиглалтын чанарт хяналт тавин, эдэлгээг уртасгаж эдийн засгийн үр өгөөжийг нэмэгдүүлэхийн төлөө чармайн ажиллаж байна. 

Бид 2017 оноос хүнс, хөдөө аж ахуй, биотехнологийн чиглэлээр үйл ажиллагаа явуулж эхлээд байна. 

Бидний эхлүүлээд буй нэгэн ажил бол давс боловсруулах үйлдвэрийн “ЖАМЦ ДАВС” төсөл юм. Тус төсөл нь Увс аймгийн Давст суманд байрлах бөгөөд анхан шатны судалгаанууд хийгдэж, үндсэн бичиг баримтыг боловсруулж дуусаад байна.